Partizani do të sfidojë në transfertë Valmieran më 10 gusht duke nisur që nga ora 19:00. Takim ky i vlefshëm për turin e tretë të Conference League. Të kuqtë kanë vendosur të udhëtojnë 3 ditë para në Letoni, pasi drejtuesit e stafi dëshirojnë që skuadra të ambientohet dhe të jetë sa më e qetë.
Demat synojnë fitoren ditën e enjte për të bërë gjithçka më të thjeshtë për sfidën e kthimit pas një jave, teksa synojnë të kualifikohen në “Play-Off” të këtij kompeticioni.
Zoran Zekic në “kokën”e tij e ka ndarë se cili do të jetë formacioni me të cilin do të zbresë në fushën letoneze dhe do të kërkojë fitoren. I vetmi dyshim mbetet Hadroj, gjendja e të cilit duhet parë deri pak orë para ndeshjes.
Formacioni i mundshëm: Qirko, Atanaskovski, Kocijan, Sota, Hadroj (Preka), Murataj, Mehmeti, Rrapaj, Taipi, Mba, Cara.
Lexo gjithashtu
