Nesër, Flamurtari do të luajë takimin e javës së 15-të të kampionatit ndaj Laçit dhe për këtë sfidë po zhvillohen përgatitjet e fundit në kampin vlonjat. Prej disa ditësh te Flamurtari "problem" është bërë Danilo Alvesh i cili nuk po gjen rrugën e golit.
Në këto kushte, trajneri Shpëtim Duro po bën llogaritë e fundit për të gjetur zëvendësuesit. Duro duhet të zgjedhë mes Kamarës, Hoxhës, Hysenit dhe Toungarës. Ndërkohë që mungesë e sigurt për dy ndeshjet e radhës është dhe Tomislav Bushiç, kjo vështirëson akoma më shumë punën për tekinikun Duro.
Në këto kushte, trajneri duhet të zgjedhë dhe lojtarin që do t'i besojë shiritin e kapitenit në dy takimet e ardhme. Lojtari me më shumë eksperiencë në Vlorë është Pollozhani dhe me shumë mundësi si kapiten në fushë ndaj Laçit dhe Kamzës do të jetë ai.
Lexo gjithashtu
