Kamza do luajë sot ndaj Teutës ndeshjen e javës së 22-të të kampionatit, në orën 14:00. Të besuarit e Ramadan Ndreut janë përgatitur për të mos dalë pa pikë nga ky takim duke shpresuar dhe tek ndonjë gabim i mundshëm i Kukësit, që pret sot në shtëpi Skënderbeun.
Dje, Kamza iu ka dhënë dorën e fundit përgatitjeve dhe trajneri Ndreu ideuar dhe formacionin që do hedhë sot në fushë. Një rikthim i rëndësishëm për skuadrën është ajo e Vangjo Zguros, i cili ka lënë pas pezullimin.
Ndërkohë që problemi kryesor është mesfusha. Arrabel ende nuk ka marrë veten nga dëmtimi. Edhe pse është aktivizuar dje në stërvitje ende është në dyshim prezenca e tij përballë durrsakëve. Në rest se nuk ia del, vendin e tij pritet ta zerë Imeri. Një tjetër mungesë e rëndësishme për kamzalinjë është Mehmeti i cili vazhdon të jetë i dëmtuar.
Lexo gjithashtu
