Mamadou Tounkara ishte një ndër lëvizjet më të bujshme të merkatos së janarit në kampionati shqiptar. Lojtari i cili është në zotërim të Lazios kaloi te Flamurtari në muajin janar. Kur pritej të jepte shumë për pjesën e mbetur të kampionatit, planet siç duket nuk kanë shkuar ashtu siç ishin planifikuar.
Së fundmi mësohet se sulmuesi mund të mungojë për minimumi tre javë për shkak të dëmtimit që ka marrë. Ai është larguar drejt Italisë për të marrë specializim mjekësor. Nuk dihet nëse periudha e rikuperimit do të jetë më e gjatë apo vetëm tre javë, kjo gjë pritet të mësohet ditët në vijim.
Dëmtimi i sulmuesit në këtë moment është pritur keq në kampin vlonjat për shkak se po prisnin më shumë nga ai dhe se situata është shumë e nxehtë pasi luhen turet e rëndësishme të Kupës së Shqipërisë dhe konkurenca në kampionat është mjaft e lartë. Mungesa e sulmuesit për minimumi tre javë përbën problem për vlonjatët të cilët duhet të gjejnë një zgjidhje për të plotësua boshllëkun e krijuar nga sulmuesi i Lazios.
Lexo gjithashtu
