Agustin Kola ka folur për situatën që Tirana po kalon, teksa ka deklaruar që edhe këtë vit bardheblutë nuk janë për titull kampion. Sipas ish trajnerit të 24 herë kampionëve të Shqipërisë, largimi i Muzakës ishte një gabim, pasi lojtari ka të drejtë për atë që kërkon, megjithatë Kola i mëshon faktit që futbollistët nuk duhet ta lënë situatën të shkojë deri në atë pikë.
"Për sa i përket çështjes së Muzakës e ndoqa debatin në televizor mes tij dhe presidentit Halili. Edhe pse ai ka të drejtë, mendoj që dhe lojtarët kanë fajin e tyre për situata të tilla, pasi e mbyllin gojën kur nuk duhet dhe flasin vetëm kur përhapet problemi", ka deklaruar Kola.
Më pas ai foli edhe për çështjen e stadiumit, ku për Panorama Sport theksoi:
"Partizani ka të drejtë. Unë i jap të drejtë dhe e kam thënë edhe më herët. Jam kundër refuzimit, nuk mund të luajë Korabi para Partizanit. Unë mendoj se duhet të luajnë në Tiranë dhe titulli të vijë në kryeqytet", ka përfunduar Agustin Kola.
Lexo gjithashtu
