Adrenalinë, pasion, rrezik dhe dëshirë për të prekur të parët vijën e finishit. Sa në mal e sa në fusha, sa në baltë e sa në pellgje, të apasionuarit pas shpejtësisë kanë nisur nga puna për të përgatitur “bishat” e tyre për të qenë të parët në “Rally Albania”. Një kompeticion i suksesshëm që po “thith” çdo vit e më shumë pilotë të rinj pjesëmarrës në këtë garë. Këtë vit, “Rally Albania” do të startojë në datën 8 deri në 24 qershor, dy javë intensive të mbushura me spektakël deri në xhiron e fundit. Interesi këtë vit është shumë i madh sikurse shihet edhe në kanalin zyrtar, teksa gjitha vendet janë plotësuar. Çdokush që mund ta kishte lënë regjistrimin për në moment të fundit, tashmë nuk mund të ketë më vende të lira. Për më shumë se dy javë me radhë, pilotë nga e gjithë bota do të performojnë në terrenet malore të vendit tonë. Adrenalinë spektakolare, shpejtësi marramendëse në vende që rreziku është i madh edhe të ecësh në këmbë. Siç shihet në kanalin zyrtar të “Rally Albania”, 52 pilotë do ta provojnë për herë të parë këtë eksperiencë, ndërsa 77 të tjerë kanë qenë pjesëmarrës edhe në gara të tjera. Ndërkaq, 25 pilotë kanë garuar 4-6 herë në këtë kompetecion të rëndësishëm të motosportit, kurse 10 të tjerë kanë garuar nga 7-9 herë. E në fund legjenda e “Rally Albania” mbyllet me ata që kanë shënuar në karrierën e tyre mbi 10 gara, që janë 9 persona, 3 prej tyre me shtetësi të huaj. Vlen të përmendet gjithashtu se këtë vit në këtë kompeticion do të jenë 165 skuadra, moto, quad, 4x4 dhe SSV. Pjesmarrësit janë nga 31 shtete. Bëhuni gati... Spektakli është i garantuar!

Pjesëmarresit në Rally Albania

Pjesëmarrë për herë të parë| 52 pilotë Pjesëmarrës 1-3 gara| 77 pilotë Pjesëmarrës 4-6 gara| 25 pilotë Pjesëmarrës 7-9 gara| 10 pilotë Pjesëmarrës mbi 10 gara| 9 pilotë

Lista e pilotëve që do të marrin pjesë në "Rally Albania": Pilotët në gara