Ekipi i Kombëtares shqiptare iu ka dhënë dorën e fundit mëngjesin e sotmë përgatitjeve, një ditë para miqësores që do zhvillojë nesër në "Elbasan Arena", në orën 19:00. Ekipi duket se ka qenë i plotë, pasi në seancën stërvitore ka qenë i pranishëm edhe Eros Grezda, i cili deri para pak orë ishte në dyshim për shkak të një lëndimi.
Si duket, dëmtimi nuk ka qenë i rëndë. Aktivizimi i tij me pjesën tjetër të skuadrës i ka dhënë siguri trajnerit, Christian Panucci për miqësoren e ditë së nesërme, duke e patur si një mundësi më shumë për ta aktivizuar si titullar ndaj Norvegjisë.
Kujtojmë që për pak orë Panucci do të dalë në konferencën e zakonshme për shtyp, së bashku me teknikun italian pritet të jetë dhe Odise Roshi, që me shumë mundësi do të jetë dhe kapiteni i kuqezinjve për këtë sfidë.
Lexo gjithashtu
