Kukësi ditën e enjte në “Kukës Arena” do të presë skuadrën e Erzenit ëpr të bërë mes tyre edhe llogaritë e javës së 35-të, por edhe të gjithë sezonit. Kjo përballje do të startojë në orën 16:00 dhe do të jetë një sfidë për “jetë a vdekje” për të dyja ekipet.
Verilindorët e Rraman Hallacit aktualisht ndodhen në vendin e 7-të me 41 pikë, 2 më shumë se Erzeni i vendit të 8-të. Kjo ndeshje me shumë gjasa do të vendosë edhe skuadrën që do të qëndrojë në Superiore sezonin e ardhshëm dhe në këto kushte te Kukësi do të luajnë gjithçka për gjithçka.
Djemtë e Hallaçit janë 90 minuta larg shpëtimin dhe ndaj shijakasve do të luhet e gjithë sezoni. Verilindorët kanë shansin që me një fitore ndaj Erzenit ditën e enjte të mbyllin edhe llogaritë e qëndimit në Superiore, pasi do të shkonin +5 nga shijakasit.
Por për këtë sfidë Hallaçi do të duhet të bëjë llogaritë pa Ebert, i cili ka plotësuar numrin 4 të kartonëve të verdhë. Momoh është gjithashtu në dyshim pë shkak të problemeve fizike që ka ndjerë në javët e fundit. Por jo vetëm mungesat, timonieri i verilindorëve do të ketë të gatshëm Mbarak, i cili ka shlyer pezullimin me kartonë dhe ndaj shijaksve do të jetë i gatshëm.
Lexo gjithashtu
