Partizani do të luajë ditën e enjte ndaj Valmieras, sfida e kthimit në Conference League e vlefshme për turin e tretë. Përballja e parë e zhvilluar në Letoni ka përfunduar 2-1 për demat, të cilët në “Elbasan Arena” do të synojnë kualifikimin në “Play-Off”.
Tashmë të kuqtë e Zoran Zekic janë vetëm 90-të minuta larg kaulifikimit dhe kur duhen edhe 4 ditë për t’u zhvilluar sfiuda, UEFA ka zbuluar edhe gjyqtarët që do të vendosin drejtësi.
Një skuadër nga Danimarka do të ketë në dorë këtë sfidë. Kryesorë do të jetë Sandi Putros, i cili do të ndihmohet nga Ole Kronlukke dhe Jakob Mastrup, teksa gjyqtar i katërt është Jacob Karlsen.
Petros është shumë i njohur në Danimarkë, ndërsa në arenën ndërkombëtare ka nisur vetëm dy vitet e fundit të gjykojë sfida. Këtë sezon ka vendosur drejtësi në sfidën mes Makedonija GjP- Rigas 0-1 dhe Sutjeska – Santa Coloma 2-0, të vlefshme për Conference League.
Lexo gjithashtu
