Kukësi do të luajë të shtunën kundër Egnatias në kuadër të javës së nëntë të Superiores. Kjo sfidë do të zhvillohet me praninë e spektatorëve pasi verilindorët kanë shlyer gjysmën e dënimit të Disiplinës duke paguar 5 milionë lekë të vjetër.
Prania e tifozëve në stadium është kërkuar me doemos nga lojtarët dhe stafi teknik për të marrë fitoren e radhës. E në këtë mënyrë klubi verilindor ka hapur thesin duke konvertuar gjysmën e dënimit në formë gjobe.
Kujtojmë që kuksianët u dënuan nga Komisioni i Disiplinës pas ndeshjes kundër Partizanit, teksa Tedi Cara u godit me shishe në fytyrë nga një tifoz i verilindorëve. Në këtë mënyrë, Kukësi i Enkeleid Dobit do të zbresë me një “armë” më shumë në fushë ndaj rrogozhinasve duke pasur mbështetjen e tifozërisë së vet.
Lexo gjithashtu
