Partizani padiksutim është skuadra e momentit në “Abissnet Superiore”. Të kuqtë pavarësisht se janë pa një trajner në stol, sërish ia kanë dalë të koleksionojnë fitore mjaft të rëndësishme në kampionat dhe janë një nga pretendetët për të fituar sërish titullin.
Kampionët në fuqi aktualisht udhëhiqen nga drejtori sportiv, Arbër Abilaliaj, i cili ka marrë përsipër të jetë trajneri provizor i skuadrës. 3 fitore kanë të kuqtë me Abilaliajn në stol, ndërsa në kampionat shkon në 4 numri i fitoreve rresht.
Për të parë një statistikë të tillë duhet të kthehemi 5 vite pas, kur Partizani në 2018 regjistronte disa fitore radhazi dhe në fund do të shpallej edhe kampion. Në fakt 4 firore rresht nuk ka mundur t’i regjistrojë as me Giovanni Colellën në stol në sezonin që kaloi.
Madje ky aktuali ka kaluar Partizanin e vjetshëm. Kur kryeqytetasti udhëhiqëshin nga Colella pas 10 javësh kampionat kryesonin Superioren, por grumbulluan vetëm 19 pikë. Shënuan 12 gola, ndërsa pësuan plot 10. Ndërsa në këtë sezon sërish kryesojnë klasifikimin me 20 pikë pas 10 ndeshjesh. Kanë shënuar 14 gola dhe kanë pësuar vetëm 8 të tillë. Gjithashtu kujtojmë se kanë edhe një ndeshje më shumë për të zhvilluar, atë ndaj Teutës e vlefshme për javën e parë të kampionatit.
Lexo gjithashtu
