Florent Hasani do të vazhdojë karrierën e tij në Rumani, ku sulmuesi do të mbajë veshur fanelën e Rapidit të Bukureshtit. 26-vjeçari do të lërë “boshllëk” te bardheblutë, pasi ishte një nga pikat kyçe në formacionin e kryeqetasve.
Gjithsesi te Tirana shikojnë “gotën” gjysmë plot dhe nga transferimi i Hasanit kanë “ngrohur” xhepat. Golashënuesi i Superiores ka firmosur për 2 vite e gjysëm në Rumani, ku do të përfitojë 210 mijë euro, teksa bashkë me bonuset kap shifrën e 250 mijë eurove.
Në këtë mënyrë nga ky transferim kryeqytetasit kanë përfituar 300 mijë euro. Por jo vetëm kaq, pasi bardheblutë kanë mbajtur edhe 10% të kartonit të sulmuesit në rast se ky i fundit do të rishitej nga skuadra rumune.
Kujtojmë se 26-vjeçari në 2 vite e gjysmë në kampionatin shqiptar, ia doli që me fanelën e Tiranës të shënojë 26 gola. 16 prej tyre i ka shënuar sezonin e kaluar, ndërsa këtë sezon ka gjetur rrugën e rrjetës në 10 raste.
Lexo gjithashtu
