Kombëtarja shqiptare mori një barazim mjaft të rëndësishëm në Pragë përballë Çekisë. Një pikë që duket si një fitore, pasi kjo vjen në transfertë ndaj një kundërshtari direkt për vendin e par ënë grupin E.
Kuqezinjtë zhvilluan relativisht një lojë të mirë, teksa si “qershia mbi tortë” ishte perla e Nedim Bajramit. Mesfushori i Sassuolos po rezulton lojtari më vendimtarë i kombëtaren në këto eleminatore. Bajrami ka arritur të shënojë 3 gola në 3 ndeshjet e fundit të luajtura në këto kualifikuese. Gola këto që i kanë dhënë Shqipërisë plot 7 pikë dhe kjo do të thotë se kur Bajrami shënon kombëtarja nuk humbet.
Siç duket Sylvinho ka ditur mjaft mirë të nxjerrë në pah talentin e këtij lojtari dhe tashmë pa frikë, Bajrami është “hajmalia” e tij në këto sfida mjaft të rëndësishme. Edhe në “Fortuna Arena” shënoi një gol spektakolar duke lënë gjithë stadiumin me gojë hapur dhe të shumë janë tifozët në rrjetet sociale që e krahasojnë me perlat e Lionel Messit.
Lexo gjithashtu
