Të mërkurën do të luhet derbi i kryeqytetit mes Tiranës dhe Partizanit, i vlefshëm për javën e 33-të të Superiores. Një sfidë që pritet të jetë mjaft e luftuar nga të dy ekipet që do të tentojnë të marrin një rezultat pozitiv.
Kjo është përballja e katërt mes këtyre dy skuadrave në këtë edicion futbollistik. Në fazën e parë, fitoi Tirana 2-0 me 2 golat e Redon Xhixhës. Ndërsa në fazën e dytë, Partizani triumfoi 1-0 me golin e Xhuliano Skukës. Edhe derbi i tretë foli për të kuqtë me Mba-në dhe Carën që i dhanë fitoren 2-0 të besuarve të Giovanni Colellës.
Në këtë përballje të fundit që pritet të vendosë edhe fatet e sezonit, mungojnë protagonistët e dy derbeve të parë. Xhixha dhe Skuka janë shitur jashtë vendit, ndërsa sërish në fushë priten vetëm Mba dhe me Carën. Derbi Tirana – Partizani është programuar të zhvillohet të mërkurën, në orën 18:30 në stadiumin “Air Albania”.
Lexo gjithashtu
