Dashuria për atdheun është në zemrën e çdo shqiptari dhe ka qenë historikisht brez pas brezi. Patriotë të shquar dhe me emër kombi ynë ka patur gjithmonë. Patriotë të cilët ishin poetë, luftëtarë apo politikanë. Por patriot je dhe nëse sheh një ndeshje të Kombëtares. Mund të themi që je i tillë nëse e mbështet atë në të mirë e në të keqe apo humbje dhe fitore pavarësisht pozitave në të cilat ajo ndodhet. Këtë gjë e bëjnë disa djem dhe vajza nga trojet shqiptare të cilët janë bashkuar nën një emër të vetëm “Tifozat Kuq e Zi”.
Tifozat Kuq e Zi apo siç thirren edhe “TKZ” janë një tifogrup ultras që janë në mbështetje të Kombëtares shqiptare të futbollit. Jo vetëm nga Shqipëria, por aty mblidhen dhe djem e vajza nga Çamëria, Malësia, Dardania, Ilirida dhe Diaspora. Djem dhe vajza që pavarësisht situatës ku ndodhet Kombëtarja udhëtojnë, e ndjekin dhe këndojnë për të deri sa të mos kenë më zë. Një tifogrup i krijuar në vitin 2003, një grup i vogël që e krijuaj sepse ashtu i drejtoi zemra dhe ashtu e ndjenë. Një grup i vogël që nuk prisnin të bënin bujë të madhe por thjesht të shprehnin atdhedashurinë e tyre edhe në shkallët e stadiumit duke parë djemtë Kuq e Zi teksa luajnë.
Ai grup ditë pas dite, muaj pas muaj dhe vit pas viti u bë dhe më i madh. Zëri i “TKZ-së” jehonte kudo si në Shqipëri, Kosovë e në trojet e tjera shqiptare. Dashuria për kombin dhe kurioziteti mbi Tifozat Kuq e Zi bëri bashkë më shumë njerëz, duke u bashkuar dhe duke kënduar sëbashku, duke u kënduar heronjve, tokave të copëtuara shqiptare por dhe duke u dhënë kurajo futbollistëve në fushën e lojës. Koha kalonte, ‘’TKZ-ja” rritej dhe anëtarët shtoheshin. Nuk ishte më një grup i vogël tifozësh, por ishte tifogrupi më i madh i Kombëtares dhe tifogrupi më aktiv shqiptar. Një grup 20-vjeçar flet për atdhedashurinë duke kërkuar ti japë më shumë zë kësaj teme. Tifozat Kuq e Zi që nga 2003-shi dëri më sot frymojnë veç bashkim.
Një grup që dha dhe një leksion për grupet e tjera lokale që u formuan më pas. E kanë ndjekur, e ndjekin dhe janë betuar për ta ndjekur deri në momentin e fundit, qoftë brenda apo jashtë vendit. Kanë udhëtuar me orë të tëra qoftë nga ajri apo toka vetëm e vetëm të jenë prezent dhe në mbështetje të Kombëtares. Janë betuar si “USHTARËT E KOMBIT” që këtë gjë do të vijojnë ta bëjnë. Shtatori po vjen, një shtator i vështirë për të besuarit e Sylvinhos, por një plus i madh për ta është lojtari i dymbëdhjetë që nuk mungon asnjëherë dhe ata janë “TIFOZAT KUQ E ZI”.
Lexo gjithashtu
