Ndeshjet: Kategoria e Dytë ka mbyllur edhe ndeshjet e parashikuara për ditën e sotme. Grupi B zhvilloi takimet e javës së 10-të të kampionatit, ku “lumë” golash janë shënuar në 5 ndeshje.
Labëria u tregua e pamëshirshme ndaj Maliqit, pasi triumfuan në shtëpi me shifrat e thella 6-2. Fitore të rëndësishme mori edhe Elbasani pasi mposhti 4-3 Tepelenën. Edhe kryesuesit e këtij grupi, Pogradeci siguroi fitoren. Pogradecarët fituan 3-0 ndaj Luftëtarit.
Nga ana tjetër Devolli triumfoi minimalisht 1-0 ndaj Memaliajt. Vlen të theksojmë se dueli mes Shkumbinit dhe Delviës është ndërprerë që në pjesën e parë 0-1për shkak të një sherri që pati në fushën e lojës pas golit të shënuar nga Musta.
Rezultatet e ndeshjeve:
AF LUFTËTARI - POGRADECI 0-3
TEPELENA - AF ELBASANI 3-4
MEMALIAJ - DEVOLLI 0-1
SHKUMBINI – DELVINA 0-1
LABËRIA – MALIQI 6-2
Lexo gjithashtu
