Erzeni nuk arriti të dilte me pikë nga kryeqyteti teksa u mposht nga Egnatia me rezultatin 0-1. Shijakasit ishin më kërkues në pjesën më të madhe të lojës, por një gol i Zejnullait i la pa pikë. Pas ndeshjes, trajneri Alfred Deliallisi dha prononcimin e tij për MCN TV.
“Një ndeshje e ekuilibruar, gabuam vetëm 1 epison në 100 minuta. Kundërshtari me kualitetin e tillë të dënon. Pjesën e parë ishim në kontroll me Egnatian që nuk na rrezikoi fare. Më vjen keq për lojtarët pasi dhanë gjithçka dhe meritonim një pikë sot. Një mungesë përqëndrimi i dha 3 pikë kundërshtarit.
Goli i pësuar? Topi nuk duhet të shkonte deri tek Meçka, por ai donte të lexonte situatën. Nëse Mihana do të zbriste pak më poshtë, topi nuk do shkonte aty, por përqëndrimi dhe momenti i gabuar vendosi.
Nuk kemi një sulmues që tërheq ekipin dhe këto vështirëso do të kemi. Jo çdo ekip luan me këtë lloj personaliteti si Erzeni ndaj Egnatias. Kundërshtarët kanë kualitet të frikshëm, stol dhe dominon të gjithë kundërshtarët.
Për ne çdo kundërshtarë është i vështirë, edhe ata e kanë të vështirë me ne. Duhet vetëm të përmirësohemi për ndeshjen e rradhës.”
Lexo gjithashtu
