I papritur ishte qëndrimi i Orges Shehit te Tirana. Vetëm pak orë para se trajneri të largohej nga kryeqyteti ka ardhur kthesa e madhe. Refik Halili nuk donte që “arkitenkti” i bardhebluve të largohet drejt Shkëndijës së Tetovës.
Rriti ndjeshëm pagën e tij dhe arriti të binde Shehin të qëndronte. Të dyja palët dalin të kënaqura në fund. Tashmë është zbuluar edhe paga që do të marrë 45-vjeçari. Para rinovimit paga e Shehit ishte 7 milionë lekë në muaj, ndërsa tashmë me kontratën e re do të marrë 100 milionë lekë në një sezon. Nga krahu tjetër Shkëndija i kishte ofruar 80 mijë euro në vit, plus 20 mijë euro të tjera në rast se fitonte titullin.
Durrsaku i peshoi të dyja alternativat dhe në fund vendosi të qëndronte në kryeqytet aty ku është kthyer në trajnerin më të dashur të tifozëve dhe vetë klubit. S’ka si të ndodhë ndryshe, është timonieri më jetëgjatë në stolin e Tiranës.
Shehi mori drejtimin e bardhebluve në janar të vitit 2021 dhe deri tani ka luajtur 110 ndeshje si trajner i Tiranës. Me rinovimin e kontratës do të jetë tashmë trajneri më i paguar i Superiores.
Lexo gjithashtu
