Teuta do të presë në shtëpi të shtunën Erzenin për të luajtur ndeshjen e vlefshme për javën e 26-të të “Abissnet Superiore”. Sfida që do të zhvillohet në stadiumin “Niko Dovana” do të startojë në orën 17:00.
Një ndeshje e cila mund të quhet “derbi mbijetese”, duke patur parasysh edhe renditjen e ekipeve në tabelën e klasifikimit. Teuta me 25 pikë ndodhet në vendin e 9-të, ndërsa i teti në klasifikim është Erzeni me 1 pikë më shumë.
Por ajo ç’ka favorizon Teutën, është pikërisht trajneri. Edi Martini ka një bilanc pozitiv përballë Erzenit. Në 8 ndeshje të luajtura përballë shijakasve, tekniku shkodran ka fituar 4, ka barazuar 3 dhe ka humbur vetëm 1.
Statistika të cilat Edi Martini nuk kërkon që t’i prishë, madje 49-vjeçari kërkon 3 pikët për t’u larguar sa më parë nga zona e ftohtë e rënies.
Lexo gjithashtu
