Portieri i Partizanit, Pano Qirko ka dhënë një prononcim të shkurtër për mediat kazake në prag të sfidës së kthimit me Astanan, në Elbasan Arena nesër në orën 20:00. Gardiani i kuq është i vetëdijshëm për cilësitë e kundërshtarit por shpreson për një përmbyjse të madhe me ndihmën e tifozëve të tij.
“Mendoj se morëm një rezultat të rëndësishëm, pasi humbëm me një rezultat minimal. E di që Astana është një ekip i mirë por jam i sigurt që në Shqipëri do të ketë një ndeshje ndryshe. Do të jetë një ndeshje e vështirë, por ne do të bëjmë gjithçka për ta fituar.
Për momentin rezultati është 0-1 në favor të Astanës, por një gol i shënuar në Shqipëri mund ta kthejë lojën. Vlen të theksohet se presim shumë mbështetje nga tifozët tanë, ndaj pres me padurim ndeshjen e kthimit”, u shpreh Qirko.
Lexo gjithashtu
