Pas Afrim Takut, Tirana ka gati një tjetër goditje në merkaton e verës, madje mund të quhet një marrëveshje e mbyllur dhe pritet vetëm zyrtarizimi, që, sipas të gjitha gjasave, do të bëhet ditën e hënë. Ansi Nika është vetëm një hap larg Tiranës, që ka nisur të bëjë lëvizje konkrete dhe parashikohet të jetë e kompletuar para nisjes për në Serbi, ku do të zhvillojë fazën përgatitore. Grupit të trajnerit Ilir Daja pritet t’i bashkohet nga java e ardhshme edhe mesfushori shkodran, që sezonin e fundit luajti me Kukësin. Tirana ka afruar më parë portierin Ilion Lika dhe mesfushorët Asion Daja dhe Afrim Taku, me këtë të fundit që luan edhe në të djathtë të mbrojtjes. Nga bardheblutë ka pasur edhe largime, ndërsa objektivat e radhës janë një qendërmbrojtës dhe një sulmues.
Lexo gjithashtu
