Skuadra e Dinamos ka mbetur pa trajner. Ashtu siç njoftonte mbrëmjen e djeshme, newsport.al, Mauro Manzoni është larguar nga drejtimi i ekipit kryeqytetas. Përmes një njoftimi për mediet bëhet me dije që arsyet e "divorcit" janë personale.
"Zyrtare/ Mauro Manzoni largohet nga drejtimi i Dinamos. Tekniku italian
ndërpret mardhëniet me klubin blu, pas vetëm 1 muaji në krye të stolit
Dinamovit për arsye familjare. F.K. Dinamo e falenderon për bashkëpunimin dhe i
uron suksese në vazhdim!", shkruhet në njoftimin e klubit të Dinamos.
18-herë kampionët e Shqipërisë po notojnë në ujëra të turbullta. Pritet me
interes të shihet se cili do të jetë pasardhësi i italianit, pasi në 8 ndeshje
Dinamo ka grumbulluar vetëm 1 pikë duke u renditur në vendin e fundit të Grupit
A të Kategorisë së Parë.
Lexo gjithashtu
