Teuta duket se ia ka bërë “bam” në këtë merkato vere. Durrsakët kishin rënë në qetësi sa i përket hyrje-daljeve në skuadër. Megjithatë tashmë ka nisur puna intensive teksa së fundmi, “Djemtë e Detit” kanë prezantuar dy lojtarë.
Bëhet fjalë për Realdo Filin dhe Arsid Krujën. Të dy futbollistët janë prezantuar në kanalet zyrtare të klubit. Fili vjen nga një aventurë jashtë vendit, kurse Kruja ishte sezonin e shkuar pjesë e Vllaznisë së Shkodrës.
NJOFTIMET E TEUTËS:
WELCOME ARSID KRUJA!
KF Teuta ka kënaqësinë të njoftojë se mesfushori i djathtë, Arsid Kruja është zyrtarisht pjesë e skuadrës sonë. Klubi ynë ka arritur ditën e sotme një marrëveshje me lojtarin 30 vjeçar, i cili vjen te #Teuta pas paraqitjeve shumë të mira në ekipin e #vllaznisë. KF Teuta i uron mirëseardhje mesfushori #ArsidKruja dhe i uron shumë suksese me fanellën e klubit tonë.
WELCOME REALDO FILI!
KF Teuta ka kënaqësinë të njoftojë se sulmuesi, Realdo Fili është zyrtarisht pjesë e skuadrës sonë. Klubi ynë ka arritur ditën e sotme një marrëveshje 1 vjeçare me lojtarin 27 vjeçar, i cili vjen te #Teuta pas paraqitjeve shumë të mira në ekipin e Çernomorets Odesa në Ukrainë. KF Teuta i uron mirëseardhje sulmesit #Fili dhe i uron shumë suksese me fanellën e klubit tonë.
Lexo gjithashtu
