Te ekipi i Partizanit po vijojnë largimet e lojtarëve që mesa duket nuk janë më në planet teknike të trajnerit Skënder Gega.
Përpara pak çastesh klubi i kuq ka njoftuar ndërprerjen e bashkëpunimit me Besart Abdurrahimin, me lojtarin maqedonas që ka rënë dakort me drejtuesit për të prishur me mirëkuptim kontratën. 28-vjeçari ishte pjesë e Partizanit që në fillim të këtij viti i ardhur nga Shkëndija e Tetovës, duke regjistruar dhe disa ndeshje të mira me të kuqtë si dhe duke shënuar 2 gola.
Sulmuesi i lindur në Zagreb bëhet kështu largimi i rradhës brenda pak ditësh, pas atij të Edgar Çanit.
Njoftimi i plotë i klubit të Partizanit:
Klubi njofton mbylljen e bashkëpunimit me Besart Abdurahimin. Sulmuesi 28 vjeçar dhe drejtuesit kanë vendosur të ndërpresin me mirëkuptim marrëveshjen mes tyre, duke i dhënë mundësi lojtarit të jetë i lirë. Abdurahimi ishte pjesë e skuadrës nga fillimi i këtij viti dhe me fanelën e kuqe rregjistroi 11 ndeshje duke realizuar edhe dy gola. Klubi i uron njëkohësisht Besart Abdurahimit suksese në karrierën e tij sportive.