Tashmë është edhe zyrtare. Albers Keko është futbollisti më i ri i Partizanit. Klubi i kuq ka bërë të ditur lajmin në rrjete sociale teksa njofton për publikun arritjen e marrëveshjes me bomberin dibran. Keko ka firmosur kontratën që do ta mbajë atë të lidhur në kryqeytet deri në vitin 2026.
21-vjeçari vjen nga skuadra e Korabit ku shkëlqeu këtë sezon duke shënuar 18 gola mes kampionatit, kupës dhe kampionatit U-21. Keko është nëj afrim i persperktivës por edhe i së tashmes me drejtuesit e kuq që synojnë të gjejnë tek ai një tjetër Skuka, i cili doli poashtu nga skuadra dibrane.
Albers Keko bëhet kështu lojtari i parë i afruar këtë merkato teksa më parë u konfirmua edhe stafi i ri teknik me në krye kroatin Zoran Zekic dhe drejtorin Arbër Abilaliaj. Në ditët në vijim priten edhe të tjera lëvizje, si në dalje edhe në hyrje.
Lexo gjithashtu
