Ardit Toli është lojtari më i ri i Tiranës. Zyrtrizimi ka ardhur nga klubi me anë të një postimi në rrjetet sociale. Kjo është goditja e dytë për bardheblutë, pas blerjes së Avdijaj.
Ardit Toli ka luajtur për Kombëtaren U21, U19 dhe U17. Mbrojtësi në sezonin e fundit ka qënë pjesë e ekipit të Kalamatës në Greqi. Ai shihet si futbollisti i duhur për të stabilizuar akoma më shumë repartin e prapavijës dhe me interes të madh pritet debutimi.
Postimi:
Ardit Toli vishet bardheblu!
Klubi I Futbollit Tirana njofton afrimin e lojtarit Ardit Toli. Mbrojtësi i djathtë ka arritur dakordësinë dhe pas kryerjes së gjithë analizave të nevojshme është tashmë pjesë e bardhebluve për sezonin e ri. Menjëherë pas nënshkrimit të kontratës, 23 vjecari pritet të vihet nën urdhërat e trajnerit Egbo për t’u stërvitur bashkë me skuadrën. I urojmë suksese me fanellën e re. #identitetitirona
Loading ...
