Tarik Isiç është lojtari më i ri i Kukësit. Është klubi verilindor që përmes një njoftimi në kanalin zyrtar bën me dije se është arritur marrëveshja me qendërmbrojtësin 27-vjeçar.
Ai ka firmosur një kontratë që e lidh me kuksianët deri në vitin 2024. Në njoftimin e bërë për mediet, klubi i Kukësit bënte me dije:
“WELCOME TARIK ISIC
Futboll Klub Kukesi njofton se qendërmbrojtësi boshnjak Tarik Isic është zyrtarisht futbollist i skuadrës sonë! Mbrojtësi 27-vjeçar ka firmosur me klubin një kontratë 2 vjeçare, duke u bërë kështu futbollisti më i ri në skuadër.
Isiç vjen në Shqipëri nga kampionati boshnjak, ku sezonin e fundit ka qenë pjesë e ekipit të Velez Mostar, ekip me të cilin ka fituar edhe Kupën e Bosnjës. Në të shkuarën, mbrojtësi shtatlartë ka luajtur edhe me ekipe si FK Olimpik, Celik Zenica, Radnik Bijelj, e Capljina.
Klubi i Kukësit i uron mirëseardhje mbrojtësit Isic dhe shumë suksese me fanellën e skuadrës sonë. Dobro dosao Tarik Isic!
Skeda e Lojtarit:
Emri: Tarik Isic
Mosha: 27 vjeç
Gjatësia: 1.92 m
Kombësia: Boshnjak
Pozicioni: Mbrojtës
“Është një sfidë e re për karrierën time. Kampionati shqiptar duket shumë mirë sidomos me infrastrukturën e re e cila është shumë e rëndësishme për ne futbollistët.
Jam shumë i lumtur që do të bashkëpunij me trajnerin më të mirë shqiptar, Skënder Gegën për të cilin kam dëgjuar fjalët më të mira nga Pero Pejiç. Më ka folur edhe shumë mirë për klubin dhe për Shqipërinë kur isha duke kërkuar për më shumë informacione.
Synoj dhe shpresoj që në sezonin e parë bashkë, të fitojmë të paktën një trofe për tifozë tonë. Forca Kukësi”, u shpreh Isić në fjalën e parë si futbollisti ynë”.
Loading ...
