Astrit Fazliu bëhet me skuadër të re. Mesfushori kosovar ka mbyllur aventurën e tij te Feronikeli ku arriti të shpallej edhe kampion, ndërsa sot ka firmosur me Dritën.
Në të kaluarën e tij, Fazliua ka luajtur edhe në Kategorinë Superiore ku për dy sezone ishte pjesë e Partizanit, ndërsa për gjysmë sezoni mbrojti edhe ngjyrat e Flamurtarit për t’u rikthyer sërish në Kosovë.
Ky është një rikthim për 32-vjeçarin te Drita pasi edhe në të kaluarën ka luajtur për këtë skuadër në kampionatin kosovar. Është vetë klubi që në faqen zyrtare ka prezantuar Fazliun si lojtarin më të ri të tyre.
