Rron Broja nuk është më futbollisti i Partizanit. Lajmin e bën me dije vetë mesfushori 25 vjeçar. Pas dy sezonesh dhe 62 ndeshjeve në Superligë, Broja largohet nga Partizani.
Broja është pjesë e Kosovës, teksa u bashkua me Partizanin në 2019 nga Shkupi. Kampion me Demat, Broja e ka nisur karrierën te Trepça 89, duke vijuar më pas në Belgjikë me Gent. Largimi i tij do lërë hapësira në mesin e fushës së Partizanit, me lojtarin që ka interes të madh nga Hungaria.
“Të nderuar miq, dua të njoftoj se që nga sot nuk do jem më pjesë e Partizanit. Falenderoj të gjithë, duke filluar nga Presidenti, Drejtori, Trajnerët, shokët e skuadrës dhe gjithë stafin e klubit që kemi punuar së bashku këto dy vite”, shkruan 25 vjeçari.
Njoftimi:
Loading ...
