Eljon Sota është lojtari më i ri i Partizanit. Zyrtarizimi ka ardhur nga Klubi i kuq, me anë të një postimi në rrjetet sociale.
Mbrojtësi 23 vjeçar ka nënshkruar një kontratë, e cila do e mbajë të lidhur me ekipin për 3 sezonet e ardhshme. Sota ka luajtur në sezonin e fundit me Apoloninë, ku ka zhvilluar plot 36 ndeshje në Kategorinë Superiore. Sa i përket Kupës së Shqipërisë, mbetemi në kuotën e 6 paraqitjeve.
Lojtari i lindur në Fier do jetë gati dhe në dispozicion të trajnerit Ilir Daja për takimin e sotëm të Conference League, ndaj Sfintul Gheorghe në Elbasan Arena, sfidë kjo që fillon prej orës 20.00.
"Partizani zyrtarizon arritjen e marrëveshjes me Eljon Sota. Mbrojtësi 23 vjeçar ka nënshkruar me të kuqtë një kontratë tre vjeçare. Sota pjesë e ekipeve zinxhir të Apolonisë si dhe ish pjestar i ekipit tonë përfaqësues U-21, sezonin e kaluar me Apoloninë u konfirmua si i vetmi lojtar i kampionatit tonë i cili është aktivizuar 90 minuta të plota në 36 takimet e Kategorisë Superiore. Sota do të jetë i gatshëm për përballjen e sotme ndaj Sfintul Gheorghe" - Shkruan Klubi.
Lexo gjithashtu
