Sherif Kallaku është lojtari më i ri i Sepsit. Ashtu siç ishte lajmëruar më parë, fantazisti është transferuar në Rumani.
Është klubi rumun që përmes një njoftimi në kanalin zyrtar bën me dije se Kallaku ka firmosur një kontratë që e lidh me Sepsin për 2 vitet e ardhshme, me opsion rinovimi edhe për 1 vit tjetër. Në lajmërimin e bërë në kanalet zyrtare të komunikimit thuhej:
“Sepsi OSK ka një mesfushor të ri. Ju njoftojmë se Sepsi OSK ka arritur të bëjë një transferim të ri, atë të mesfushorit shqiptar Sherif Kallaku, i cili ka luajtur për herë të fundit te Teuta. Por, ka pasur progres në karrierën e tij, edhe të KF Tirana apo NK Lokomotiva Zagreb.
Lojtari 25-vjeçar ka nënshkruar një kontratë dy-vjeçare me klubin tonë me mundësi vazhdimi edhe për 1 vit tjetër”.
Kujtojmë që ky transferim u mundësua nga Arbi Laçi që ka paralajmëruar të tjera goditje në këtë sesion merkatoje.
View this post on Instagram
