Ky sezon i ka parë klubet më serioze në krahasim me të shkuarën dhe për pasojë ka patur më pak polemika në media. Megjithatë, kur duhen edhe tre muaj që të përfundoj kampionati, janë formësuar personazhet e parë. Hair Zeqiri u përjashtua nga Flamurtari pasi fillimisht kërkoi rritje rroge e më pas u fut në konflikt me presidentin Sinan Idrizi. Nga Kukësi u largua Felipe Moreira mes shumë polemikash në facebook mes tij dhe klubit. Kontratë është ndërprerë por është hapur dhe një proçes gjyqësor në FIFA.
Nga Tirana u largua Gjergji Muzaka. Luftë mediatike, akuza dhe kundër akuza në ekran mes tij dhe presidentit Refik Halili. Në fund cështja u zgjidh me gjyq me Muzakën që fitoi 108 milionë lekë dhe Tiranën që reduktoi me më tepër se 30 milionë lekë mbi pretendimin e mesfushorit.
Së fundmi Korabi ka prodhuar ngjarje të zhurmshme. Miroslav Vujadinoviç, Arjan Sheta dhe Emiljano Çela janë pezulluar pa afat nga administratori Femi Mziu për shkak të dyshimeve për trukim.
Kaq ka mjaftuar që të nisin akuzat dhe replikat mediatike. E sigurtë është se të tre lojtarët nuk do të rikthehen më të luajnë për Korabin ndërkohë që mbetet për t’u parë se cila palë do të dëmtohet më shumë nga gjithçka ka nisur të thuhet
Lexo gjithashtu
