Arbin Zejnullai ka folur pas barazimit 1-1 kundër Partizanit. Lojtari i Egnatias ishte autor i golit për rrogozhinasit ku duket se të kuqtë janë “preja” e tij të preferuar.
Ai i ka realizuar 3 gola kryeqytetasve në këtë sezon futbollistik. Në prononcimin e dhënë pas sfidës për Oversport, Zejnullai tha:
“Jam shumë i kënaqur që morëm 1 pikë. Është më mirë 1 pikë se sa humbje. Si shkoi ndeshja, mund të kishim shënuar. Por barazimi ishte rezultati ideal.
Ndeshja nga stoli? Mezi prisja të futesha në fushë. Je në stol dhe mezi pret të luash. I jep motiv lojtarëve.
Partizani? Nuk e di pse motivohem ndaj tyre. Shpresoj të kemi më shumë ndeshje me Partizanin. Unë jam profesionist dhe për aq minuta në fushë do të jap maksimumin, pa marrë parasysh se sa minuta do të kem. Çdo lojtar preferon të luajë sa më shumë.
Tetova apo Gjoka? Tani është Tetova sepse luaj te Egnatia.
Ambientimi? Po jam ambientuar 100 përqind dhe deri në fund të arrijmë objektivat e klubit.
Gjoka? Po është pas nesh dhe na pret pas intervistës. Do e takoj tani pas ndeshjes. Nuk kishim shumë kohë për të diskutuar”, tha ai.
Lexo gjithashtu
