Teuta është një nga skuadrat shqiptare që në këtë fillim sezoni nuk ka shënuar asnjë gol dhe ka marrë vetëm dy barazime, ndërsa në krye të saj kishte trajnerin italian Çesare Beggi, i cili premtoi shumë, por që u largua, jo sepse e shkarkuan drejtuesit siç ka ndodhur rëndomë në futbollin shqiptar, por sepse vet trajneri kërkoi me konsensus që të largohej, pasi i kishte ardhur një mundësi mjaft e mirë dhe për të mos u refuzuar.
Pikërisht skuadra e Leeds United që militon në Premiership në Angli kërkoi trajnerin e Teutës për të drejtuar akademinë dhe për të qenë ndihmës i trajnerit aktual. Burime për "newsport.al" njoftojnë se Çesare Beggi do të përfitojë 20 mijë paund në muaj dhe do të jetë Drejtor i Akademisë së Leeds United.
Poll
Lexo gjithashtu
