Mentor Mazrekaj nuk u paraqit te Partizani në periudhën e nisjes së përgatitjeve verore për ndeshjet e Europës, ndërsa ka ardhur momenti që ai të bashkohet me ekipin. Situata normalisht që nuk është pritur aspak mirë si nga lojtari, por edhe nga drejtuesit, të cilët kanë pasur pakënaqësi të ndërsjellta, por që më në fund situata është normalizuar dhe mesfushori kosovar është kthyer.
Ai ka pasur një takim me presidentin Gazment Demi, nga ku "Sport Ekspres" bën me dije se çfarë ka ndodhur me styre. Ndër të tjera, zbulohen dhe fjalët e presidentit Demi, i cili mësohet se i ka thënë këto fjalë mesfushorit: "Duhej të afroheshe më shpejt me grupin. Të bëje stërvitje dhe të kryeje fazën përgatitore në Itali. Në këtë mënyrë do të merrje dhe mjekimin e duhur për problemin në kavilje, çka do të ishte e mirë për karrierën tënde".
Lexo gjithashtu
