Armando Broja është një prej sulmuesve që po kërkohet nga disa ekipe. Nga merkatoja e verës kanë mbetur pak më shumë se dy javë dhe një largim i sulmuesit të kombëtares nga Chelsea mund të ndodhë. Milan është një prej skuadrave që kërkon sulmues për sezonin e ri, për të zëvendësuar Olivier Giroud, me këtë të fundit që nuk duket se do ta ketë të gjatë në Milano. Gjithësesi sipas gazetarit italian Nichola Schira bëhet me dije se Armando broja i është ofruar Milan. Kujtojmë se Milan ka interes për sulmuesin e kombëtares shqiptare prej kohësh, në fakt prej 2 vitesh drejtuesit italian e tentojnë, por nuk kanë mundur të konkretizojnë këtë operacion. “Armando Broja i është ofruar ACMilan në formë huazimi. Kujtojmë se Milani e kërkoii edhe 2 vjet më parë”, ka shkruar gazetari. 21-vjeçari shqiptarë ka kontratë të vlefshme me Chelsea deri në vitin 2028, teksa në Premier League West Ham dhe Brighton synojnë gjithashtu Brojën.

Armando #Broja has been offered to #ACMilan on loan. Reminder: #Milan already wanted him 2 years ago. #transfers #CFC

— Nicolò Schira (@NicoSchira) August 14, 2023