Kosova do të luajë ditën e nesërme sfidën e radhës kualifikues ndaj Çekisë. Kosovarët do të zbresin në fushë në orën 15:00 në stadiumin "Fadil Vokrri''. Ditën e sotme në konferencën për shtyp në krah të trajnerit ishte edhe mbrojtësi Mërgim Vojvoda. Në fjalën e tij Vojvoda u shpreh se pavarsisht mungesave të shumta, Kosova do të kërkojë të marrë 3 pikët pasi ndeshja luhet përpara publikut kosovar.
"Kemi shumë mungesa në skuadër, por konkurrenca është e shëndoshë. Do të japim maksimumin.
Për çdo ndeshje ne do të futemi për tre pikë. Edhe në këtë takim futemi për tre pikë.
Nuk bëjmëë llogari në asnjë takim, sidomos kur luajmë përpara tifozëve tanë në Fadil Vokrri.
Çekia është tjetër nivel për dallim nga kundërshtarët që kemi luajtur më parë. Por, ne kemi punuar mjaft mirë dhe kemi marrë masat për këtë ndeshje dhe shpresoj se gjithçka do të shkojë mirë", u shpreh mbrojtësi i Kombëtares së Kosovës.
Lexo gjithashtu
