Vllaznia nuk ka kohë për të “qarë” humbjen e marrë ndaj Bylisit, pasi shkodranët ditën e sotme kanë nisur përgatitjet për duelin e radhës në kampionat që do ta luajnë ndaj Teutës dhe është i vlefshëm për javën e 19-të të “Abissnet Superiore”.
Kjo sfidë do të luhet në “Niko Dovana” ditën e hënë dhe për kuqeblutë është një takim shumë i rëndësishëm, pasi kërkohet të reagojnë. Lajmi i mirë për Mirel Josën është bashkimi me pjesën tjetër të grupit të Liridon Latifit, i cili ka disa ndeshje që mungon për shkak dëmtimi.
Tashmë timonieri i shkodranëv “kryqëzon” gishtat që Latifin mund ta përdori për duelin me durrsakët ditën e hënë, por deri atëherë do t’i duhet të shikojë gjendjen e lojtarit.
“Vllaznia ka vijuar ditën e sotme me përgatitjet për sfidën ndaj Erzenit, atë që do të luhet ditën e hënë në stadiumin "Niko Dovana" të Durrësit. Me skuadrën është bashkuar në stërvitje edhe futbollisti Liridon Latifi i cili shpreson që shumë shpejt të jetë në fushën e lojës”, shkruhet në postimin e Vllaznisë.
Lexo gjithashtu
