Vllaznia ka nisur zyrtarisht punën për ndërtimin e ekipit të ri. Trajneri Memelli u emërua dhe pas tij erdhi edhe transferimi i parë, ai i Ildi Grudës. Drejtuesit do të ndërhyjnë në çdo repart pasi edhe largimet i detyrojnë.
Shkodranët kanë në listën e objektivave një mal me emra dhe i fundit që bëhet i ditur është Egzon Belica. Ish-mbrojtësi i Partizanit me të cilin është shpallur edhe kampion është i besuari i kuqebluve për repartin e prapavijës.
Drejtuesit kanë hyrë në bisedime konkrete dhe shpresohet në arritjen e një marrëveshjeje me 32-vjeçarin. Belica është aktivizuar sezonin e fundit me Prishtinën duke fituar edhe Kupën e Kosovës.
