Skuadra e Vllaznisë është zhvendosur në Ulqin, aty ku po stërvitet për pjesën tjetër të sezonit. Klubi shkodran ka bërë një postim në kanalin zyrtar ku tregon çaste nga një seancë stërvitore.
Situata brenda ekipit duket pozitive dhe të gjithë janë gati për të dhënë maksimumin. Një zgjidhje e mirë nga drejtuesit e Vllaznisë që në këtë përmbytje të madhe që ka pushtuar Shqipërinë, kanë “shtegtuar” drejt shtetit fqinj.
“Që nga dita e djeshme ekipi i Vllaznisë është akomoduar në qytetin e Ulqinit ku do të qëndrojë për stërvitje deri me datë 1 dhjetor.
Për shkak të ndërprerjes së kampionatit, drejtuesit e klubit bashkë me stafin teknik, e kanë menduar si zgjidhjen e duhur akomodimin e tij larg Shkodrës, në mënyrë që skuadra të marrë ngarkesat e duhura në prag të rifillimit të ndeshjeve zyrtare”, shkruhej në njoftimin e klubit shkodran.
Lexo gjithashtu
