Eraldo Çinari është shumë pranë një rikthimi në Superligë. Sulmuesi i cili aktivizohej në ekipin turk të Samsunspor, dëshiron një rikthim në Shqipëri. Çinari prej ditësh ndodhet në Shqipëri dhe interesi i klubeve si Vllaznia e Partizani, nuk kanë humbur kohë për të kontaktuar lojtarin.
Interes për Çinarin ka patur dhe nga Shkëndija por mundësitë janë që 26 vjeçari të qëndrojë në Superligë. Klubi i Vllaznisë thuhet t’i ketë bërë ofertën e saj, por dhe Partizani ka zhvilluar një takim me sulmuesin dhe shanset që Çinari të vishet përsëri i kuq janë të mëdha.
Mbetet për t’u parë se cilin nga dy ekipet do të preferojë që të vijoj karrirën. Kujtojmë që Eraldo Çinari ka zhvilluar ndeshjen e tij të fundit me Samsunspor në maj dhe më pas nuk është grumbulluar më në ekip.
Lexo gjithashtu
