Skënderbeu do të luajë nesër një ndeshje të vështirë ndaj Dinamos në transfertë. Takimi do të zhvillohet në “Elbasan Arena” dhe do të nisë në orën 16:45, ndërsa do të jetë një përballje direkt për mbijetesë. Sot në konferencën për shtyp në krah të trajnerit Memelli ishte edhe Leonat Vitija. Mbrojtësi i skuadrës korçare u shpreh:
A mendoni se mund të kishit dhënë më shumë për këtë vit? “Duke pasur parasysh që e kemi bërë ndeshje më të mira por nuk kemi marrë pikët që meritonim. Besoj se do vazhdojmë sa më lart.”
Do vazhdoni me këtë ritëm? “Kam parë çunat dhe mund të përballemi me çdo ekip në Superiore. Ja kemi dalë me ekipet me të mira dhe kemi fituar besim dhe mund të shkojmë sa më larg”.
Dinamo? “E dimë që është një ndeshje e vështirë, por Dinamo ka një ngërç, ne kemi ecur mjaft mirë dhe shpresoj ta mbyllim me fitore”.
Mungesat? “Ndikojnë por ata që dot futen do jenë gati sepse ka cilësi në ekip”.
Si ndihesh tek Skënderbeu? “Ndihem shumë mirë dhe nuk do ta ndërroja për asnjë ekip në Superiore”, u shpreh Vitija.
Lexo gjithashtu
