Emiljano Çela mbylli sezonin e fundit te Kastrioti, skuadër në të cilën u rikthye pas 3 muajsh largimi. Sigurimi i mbijetesës fatkeqësisht nuk u arrit dhe në fund palët ndanë sërish rrugët. Tani ai është emëruar në krye të Flamurtarit, klubi i tij i dytë në karrierën e saponisur si trajner.
Tekniku 37-vjeçar së fundmi ka publikuar një video të një momenti goli të Kastriotit në ndeshjen përballë Egnatias të cilën e fituan 1-0 në Elbasan Arena. Në video shihet një aksion “tiki-taka” me shumë pasime të shpejta që nis nga mesi i fushës e përfundon në rrjetë nga Bedri Greca.
Një formë “reklame” kjo e Çelës që parashikon futbollin e tij që do të implementojë në Vlorë. Flamurtari do të nisë punën së shpejti për t’u përgatitur për sezonin e ri ku titulli kampion dhe rikthimi në elitë është kushti i vetëm.
Lexo gjithashtu
