Emanuel Ndoj ka shkëlqyer sot në fitoren 4-1 të Brescias kundër Pisës, e vlefshme për Kupën e Italisë. Mesfushori i kombëtares shqiptare ka qenë më i miri në fushë duke arritur të realizojë edhe golin e tretë për skuadrën e Brescias. Shtatlarti i kuqezinjve merr një asist të bukur nga e djathta dhe përballë portierit të Pisës nuk gabon duke çuar rezultatin në 3-1.
Edhe nga faqja e specializuar “Sofascore”, Ndoj është vlerësuar maksimalisht duke u cilësuar si më i miri i takimit. Ai ka marrë notën 8.3, relativisht e lartë për një futbollist. Një performancë e mrekullueshme nga 25-vjeçari që ishte në qendër të merkatos së verës. U aludua shumë për një interesim të tij nga Tirana, por në fund ai ka zgjedhur Italinë ku edhe po shkëlqen në fushën e blertë.