VIDEO/ U pa të fshinte dyshemenë me flamurin meksikan, boksieri CANELO kërcënon MESSIN: T’i lutet zotit që mos ta gjej unë
Shkruar nga NEWSPORT
Ky Botëror ka qenë plot surpriza, nga ato në fushën e lojës deri te ato mes tifozëve por askush nuk do të mendonte një konflikt mes Leo Messit dhe boksierit meksikan kampion bote, Canelo Alvarez. Më shumë sesa një konflikt, është një shqetësim për sigurinë e argjentinasit.
Të shtunën, Argjentina u rikthye te fitorja duke mposhtur Meksikën 2-0 pas humbjes turpëruese me Arabinë Saudite. Messi gjeti edhe rrugën e rrjetës por në festimet në dhomën e zhveshjes një episod krijoi bujë ku Messi shihet të pastronte dyshemenë me flamurin meksikan.
Kjo video nuk ka kaluar pa reagim edhe nga legjenda e boksit, Canelo Alvarez, i cili në një postim në Twitter kërcënon Leo Messin.
“Pashë Messin të pastronte dyshemenë me fanellën dhe flamurin tonë? Ai duhet t’i kërkojë Zotit që unë të mos e gjej dot. Siç respektoj unë Argjentinën ashtu duhet të respektohet edhe Meksika. Nuk e kam me popullin argjentinas por direkt me Messin për atë idiotësi që bëri.”- u shpreh Canelo.
VIDEO kur Messi fshin dyshemenë me flamurin meksikan:
Canelo had some strong words for Messi after seeing his locker room celebration
