Apolonia 0 – 3 Partizani
Kategoria Superiore – Java 4 – 13:45
Stadiumi: “Loni Papuçiu”, Fier
Gjyqtar: Blerim Ziri
Formacionet:
Apolonia: Harizaj, Sota, Agyare, Repaj, Mihana, Smaçi, Mehmeti, Kumani, Haxhiu, Zaimaj, Arthur Trajner: Giavanni Colella
Partizani: Hoxha, Idrizaj, Bitri, Belica, Hakaj, Kote, Mala, Bardhi, Solomon, Cara, Cardoso Trajner: Ilir Daja
Ndeshja: Partizani ka arritur të fitojë në Fier duke marrë një 3 pikësh mjaft të vlefshëm në këtë fillim kampionati. Takimi nis qetë për të dy ekipet, ndërsa ngacmimet e para i kanë vendasit. Sinjali i parë nga të kuqtë vjen në minutën e 37-të me Solomon, por pa arritur të çojë topin në rrjetë. Në minutën e 40-të, Eneo Bitri zhbllokon rezultatin duke çuar të kuqtë në dhomat e zhveshjes në avantazh të 1 goli. Pjesa e dytë flet totalisht për kryeqytetasit të cilët dyfishojnë rezultatin me Bardhin dhe hipotekojnë fitoren me Hektor Idrizajn. Edhe pse mbrojtja ishte “Thembra e Akilit” për Partizanin, me Ilir Dajën është ndeshja e dytë që nuk pësojnë asnjë gol. Pas këtij takimi Partizani renditet në vendin e 3-të me 7 pikë, duke pritur përfundimin e sfidave të tjera.
Komenti minutë pas minute:
90′ – Gjyqtari i katërt jep 3 minuta shtesë, rezultati mbetet i pandryshuar.
80′- Partizani realizon golin e tretë. Hektor Idrizaj arrin të shënojë të tretin, ndërsa në Superiore realizon pas 6 vitesh.
67′- Asist i bukur i Solomon për Carën. Gjuan ky i fundit, por topi ndalet nga shtylla. I pafat sulmuesi i Partizanit.
63′- Cardoso pranë golit të tretë. Gjuan braziliani me kokë, por sfera devijohet në këndore.
58′- Partizani realizon golin e dytë. Kote kroson bukur, Bardhi dyfishon rezultatin.
56′- Solomon provon me një goditje nga brenda zonës, Harizaj shpëton Apoloninë.
46′ Starton pjesa e dytë.
45′- Mbyllet pjesa e parë. Të kuqtë shkojnë në dhomat e zhveshjes në avantazh të 1 goli.
43′- Partizani kalon në avantazh. Asist i Solomon, Bitri çon topin në rrjetë.
37′- Esat Mala tregon klasin e tij. Mesfushori jep një asist për Solomon, por ky i fundit bën më të vështirën duke çuar topin në duart e portierit Harizaj.
31′- Apolonia sërish pranë golit. Haxhiu i vetëm me portierin Alban Hoxha nuk arrin ta çojë topin në rrjetë. E pabesueshme çfarë humb.
24′- Mihana rrezikon të kuqtë. Talenti i fierakëve shmang bukur Hakajn dhe sfera shkon pranë shtyllës së majtë pingule të Alban Hoxhës.
20′ – 20 minuta lojë, asnjë rast për t’u shënuar në portat respektive.
16′- Partizani mundohet të shtyjë lart, por mesfusha fierake është e vendosur mirë.
11′- Këndore në favor të vendasve.
1′ – Nis ndeshja me topin e parë shkelmuar nga miqtë.
Loading ...
