Tirana 2 – 1 Kastrioti (Batha 35′, Muçi 51′ / Dejvid 21′)
Tirana ka fituar 2-1 ndaj Kastriotit. Ndeshja e javës së 14-të për Kategorinë Superiore ka parë bardheblutë me dy tablo, teksa në pjesën e parë ka qenë Kastrioti që ka gjetur rrjetën me Dejvid në minutën e 21. Pas vetëm 14 minutash dhe konkretisht në të 35, Batha do vendoste ekuilibrat.
Pjesa e parë është mbyllur në barazim, teksa miqtë kanë pasur disa raste të arta shënimi, me Bekaj dhe fatin që kanë folur për Tiranën. Pjesa e dytë do shihte vendasit më mirë të vendosur në fushë. Ka qenë Muçi që vetëm gjashtë minuta nga nisja e pjesës së dytë ka kaluar në avantazh Tiranën, teksa ndeshja nuk ka dhuruar më shumë gola.
Në lojë për Tiranën ka debutuar dhe afrimi i janarit, Taulant Seferi. Me këtë tri pikësh, Tirana shkon në kuotën e 20 pikëve për vendin e pestë. Krutanët qëndrojnë një vend më poshtë në kuotën e 17 pikëve.
Kategoria Superiore – Java 14 – 13:45
Stadiumi: Selman Stërmasi
Gjyqtar: Laver Alla
Formacionet zyrtare:
Tirana: Bekaj, Toshevski, Najdovksi, Hoxhallari, Ismajlgeci, Kuka, Halili, Toli, Batha, Torassa, Muçi Trajner: Nevil Dede
Kastrioti: Hidi, Deliaj, Boyom, Çela, Prodani, Okebugëu, Vokrri, Mehmeti, Moraes, Rezi, Devid Trajner: Ramazan Ndreu
Komenti minutë pas minute:
90′ Mbyllet 2-1 në “Selman Stërmasi”.
87′ Del Halili, vendin e tij e merr Sasraku te vendasit.
85′ Te miqtë hyn Shkalla në vend të Mehmetit.
75′ Deliaj i bën vend Nuriut te Kastrioti.
64′ Dy zëvendësime te Tirana, Torassa dhe Kuka i bëjnë vend Gyamfi e Vrapi.
63′ Ismajlgeci provon nga goditja e dënimit, topi ngjitur me trekëndëshin e portës.
68′ Vokrri i bën vend Ramit te Kastrioti.
53′ Seferi debuton te Tirana, i bën vend Toli.
51′ GOOL! Muçi kalon në avantazh Tiranën. Një pasim perfekt nga Ismajlgeci shfrytëzohet nga sulmuesi.
50′ Najdovski merr karton të verdhë.
46′ Sokol Neziri merr vendin e Okebugu te Kastrioti. Nis pjesa e dytë.
45+1′ Mbyllet 1-1 pjesa e parë.
45′ Një minutë shtesë.
41′ Najdovski humbet një top të rrezikshëm. Kastrioti shpërdoron me Rezin për të dytën herë.
35′ GOOL! Batha barazon shifrat pas një aksioni të rrjedhshëm.
33′ Batha godet drejt portës nga goditja e dënimit, pret Hidi.
21′ GOOL! Dejvid kalon në avantazh Kastriotin, pas një krosimi nga e majta e sulmit mik.
16′ Bekaj mban në lojë Tiranën.
14′ Prodani shkakton faull dhe merr kartonin e tetë të verdhë këtë sezon me Kastriotin. Mungon javës tjetër ndaj Teutës.
4′ Ermir Rezi dëmtohet, ndalet për disa sekonda loja. Asgjë serioze.
1′ Nis ndeshja në kryeqytet, me topin e parë shkelmuar nga miqtë.
Loading ...
