Cristian Shpendi shënoi një dygolësh në ndeshjen e mbrëmshme që skuadra e tij Cesena, fitoi përballë Spal. Një ndeshje në kuadër të javës së 2-të të Serie C italiane.
Shpendi shënoi në minutën e 2-të dhe në minutën e 35-të duke ndihmuar në atë fitore 3-1 që ekipi i tij mori. Dy gola që reklamojnë klasin dhe aftësitë e lojtarit të Shpresave kuqezi, por dhe tregon se vlerat e tij janë më të mëdha se të një sulmuesi të talentuar. Shpendi shihet se vendosjen brenda zonës e ka pikën më të fortë të tij. Ai i ikën mbulimit të mbrojtësve kundërshtar, duke krijuar tek vetja hapësira dhe duke u shërbyer nga shokët e ekipit. Shërbime të cilat, 20-vjeçari i përkthen në gol.
Një lojtar i ri që me ritmin që po ndjek duket se do t’i bashkohet vëllait të tij binjak në Serie A. Ndoshta jo tek Empoli, por duket se djaloshi kuqezi ka një të ardhme të ndritur dhe po rritet shumë shpejt nga ana profesionale.
Lexo gjithashtu
