Karim Benzema nuk u zëvendësua në listën e kombëtares franceze për Kupën e Botës pas dëmtimit të tij. Ishte trajneri Deshamps i cili vendosi të mos e zëvendësonte dhe të mundësonte një medalje në rast fitimi të Kupës së Botës. “Topi i Artë” tashmë i ka dhënë fund çdo polemike mbi pjesmarrjen e tij në finale. Benzema ka postuar një video në rrjetet sociale ku shfaqet teksa stërvitet intesivisht në ambjentet e klubit të Real Madrid ku së bashku me të birin vijojnë stërvitjen e qetë. Mediat spanjolle raportojnë që Benzema ka refuzuar të jetë i pranishëm në finalen ndaj Argjentinës. Real Madrid i dha dritën jeshile për të qenë i pranishëm me ekipine Francës në fushën e lojës, por Benzema ka mbetur i pakënaqur nga trajneri i tij Deshamps pas fjalëve të këtij të fundit: “Unë kujdesem për 24 lojtarët që kam këtu. Nuk kujdesem për lojtarë të cilët nuk janë këtu, si Kimpembe apo Pogba gjithashtu. Unë nuk do të flas për gjëra të cilat nuk i kam këtu çdo ditë (referohet ndaj pytjeve mbi Benzema)”. Këto fjali nuk i kanë pëlqyer aspak Benzema i cili vijon stërvitjen e plotë me madrilenët. VIDEO:

Motivation ❤️ pic.twitter.com/NHj5JP38Gb

— Karim Benzema (@Benzema) December 15, 2022