PARTIZANI - SKËNDERBEU 4-0
Partizani: Hoxha, Idrizaj, Bitri, Belica, Hakaj, Kote, Broja, Bardhi, Solomon, Mala, Cardoso Trajner: Ilir Daja
Skënderbeu: Dajsinani, Vitija, Bicaj, Duka, Vangjeli, Taipi, Dowouna, Çela, Berisha, Tereziu, Pusi Trajner: Julian Ahmataj
Stadiumi: Elbasan Arena
Gjyqtar: Olsid Ferataj
Ndeshja: Një sfidë pa shumë tablo. Një Partizan që futet si favorit në fushë dhe arrin të marrë atë që do, 3 pikët. Dora e Ilir Dajës në skuadër ndihet. Tanimë s'është më një skuadër pragmatiste, por një ekip që ndërton dhe kërkon shumë. 4 gola përballë ekipit korçar do të thonë shumë. Bardhi çel serinë e golave, dyfishon Esat Mala me një super gol dhe në pjesën e parë vulos Lucas Cardoso. Në pjesën e dytë, katërfishon rezultatin Solomon. Pas kësaj ndeshje, Partizani ngjitet në vendin e parë me 10 pikë, po aq sa Vllaznia e vendit të dytë.
Komenti minutë pas minute:
90'- Gjyqtari i katërt jep 3 minuta shtesë, rezultati mbetet i pandryshuar.
75'- Partizani pranë golit të pestë. Cara pason bukur për Solomon, gjuan ky i fundit, por topi ndalet në shtyllë.
70'- Partizani realizon golin e katërt. Theophilus Solomon bën gjithcka mirë dhe arrin të mposhtë Dajsinanin.
60'- 30 minuta nga fundi i ndeshjes, vijon rezultati 3-0 në favor të të kuqve.
51'- Bicaj ndërhyn keq në dëm të Solomon. Gjyqtari nxjerr menjëherë kartonin e verdhë.
46- Starton pjesa e dytë.
45+1'- Tjetër gol në Elbasan. Lucas Cardoso shkarkon të djathtën, duke trefishuar rezultatin.
41'- Këndore për Skënderbeun. Rrezikon Alban Hoxha, por largon mirë prapavija e kuqe.
38'- Skënderbeu tenton kundërsulmin, por është Bitri që mbyll mirë gjithçka.
29'- Idrizaj jep një asist të mirë për Solomon, por ky i fundit nuk arrin të çojë topin në rrjetë.
21'- Perlë në Elbasan Arena. Esat Mala gjuan nga distanca duke realizuar një supergol në trekëndësh.
17'- Idrizaj bën mrekullinë. Joan Celaj ka mundësinë të barazojë rezultatin, por mbrojtësi i kuq i heq topin në momentin e fundit.
12'- Lojtarët e Skënderbeut provojnë të befasojnë Partizanin me një goditje nga distanca, por sfera përfundon jashtë.
6'- Partizani realizon golin e parë. Jurgen Bardhi con topin në rrjetë, pas një asisti të Malës.
1'- Nis ndeshja me 1 minutë heshtje në kujtim të legjendës, Diego Maradona. Topi i parë shkelmohet nga miqtë.
Lexo gjithashtu
